काठमाडौं । मंगलबार बसेको मन्त्रिपरिषद् बैठकले नेपाल राष्ट्र बैंकको सञ्चालकमा चिन्तामणि शिवाकोटी र डा. शंकर आचार्यलाई नियुक्त गर्ने निर्णय गरेको छ ।
यसअघिका सञ्चालक रामजी रेग्मी र श्रीराम पौडेलको कार्यकाल पूरा भएपछि मन्त्रिपरिषद् बैठकले पूर्वडेपुटी गभर्नर समेत रहेका चिन्तामणि शिवाकोटी र पूर्वकार्यकारी निर्देशक डा. शंकरप्रसाद आचार्यलाई नियुक्त गर्ने निर्णय गरेको हो ।
