काठमाडौं । एक वर्षमा ६३८ मेगावाट बिजुली उत्पादन भएको छ । सरकारको नीति तथा कार्यक्रम प्रस्तुत गर्नुहुँदै राष्ट्रपति विद्यादेवी भण्डारीले नेपालले एक वर्षमा उक्त बिजुली उत्पादन गर्न सकेको बताउनुभयो ।
उक्त बिजुली उत्पादन भई राष्ट्रिय प्रसारणमा जोडिएको उहाँले जानकारी दिनुभयो । यस्तै, यो वर्ष ३२५ किलोमिटर सडक कालोपत्रे भएको र एक वर्षमा १२ हजार ६०० हेक्टर जमिनमा सिँचाइ सुविधा पुगेको पनि उहाँले बताउनुभयो ।
यसैगरी, ठूला आयोजना बाहेक अन्य आयोजना प्रदेश र स्थानीय तहबाट कार्यान्वयन गरिने र संघ, प्रदेश र स्थानीय तहको संयोजनमा प्राकृतिक स्रोतको समन्यायिक वितरण गरिने उहाँले बताउनुभयो ।
