काठमाडौ । नेपाल स्थित पाकिस्तान दुतावासले ३०० नेपाली विद्यार्थी लाई छात्रबृत्ति प्रदान गरेको छ । नेपाल–पाकिस्तान मैत्री तथा सांस्कृतिक संघका अध्यक्ष हिमालय शम्शेर राणाले पाकिस्तान दूतावासले दिने छात्रवृत्ति प्रदान गर्नुभएको छ ।
नेपालस्थित पाकिस्तानी दूतावासले काठमाडौँको मेरियट होटलमा आयोजना गरेको १०औँ वार्षिक राजदूत छात्रवृत्ति कार्यक्रममा राणाले ३०० नेपाली विद्यार्थीलाई एम्बेसडर अफ पाकिस्तान स्कलरशिप प्रदान गर्नुभयो।
नेपालभरका सरकारी विद्यालयका योग्य/प्रभावशाली विद्यार्थीहरूलाई रु १० हजार बराबरको छात्रवृत्ति प्रदान गरिएको थियो।
सो अवसरमा राणाले पाकिस्तानी दूतावासले दुई देशबीच विशेषगरी शिक्षाको क्षेत्रमा जनता–जनताबीच सम्पर्क अभिवृद्धि गर्न गरेको प्रयासको प्रशंसा गर्नुभयो ।
उहाँले यो नेपाल र पाकिस्तानबीचको मैत्रीपूर्ण सम्बन्धको प्रतिबिम्ब भएको बताउनुभयो । राणाले दुई देशका युवाहरूलाई नजिक ल्याउन दूतावासको प्रयासको प्रशंसा गर्नुभयो ।
कार्यक्रममा नेपालका लागि पाकिस्तानका राजदूत सैयद हैदर शाहले छात्रवृत्ति कार्यक्रमलाई थप विस्तार गर्ने र नेपाल–पाकिस्तान द्विपक्षीय सम्बन्धलाई थप मजबुत बनाउने संकल्प र इच्छा व्यक्त गर्नुभयो ।
सन् २०१३ मा सुरु भएको एम्बेसडर अफ पाकिस्तान स्कलरशिप कार्यक्रम विगतका वर्षहरूमा बढ्दै गएको र पाकिस्तान–नेपाल मित्रताको प्रतीकका रूपमा नेपाली युवाहरूमाझ लोकप्रिय बन्दै गएको पाकिस्तानी दूतावासले जनाएको छ।