जनकपुर । जनकपुरधाम उपमहानगरपालिकाको प्रमुखमा स्वतन्त्र उम्मेदवार मनोजकुमार साहले आफ्नो अग्रता बढाउँदै जानुभएको छ ।
साहले ५ हजार २७९ मत प्राप्त गर्नुभएको छ । एमालेका शिवशङ्कर साह ३ हजार ४२० मतका साथ दोस्रो, लोसपाका मनोज चौधरी २ हजार १३२ मत प्राप्त गरी तेस्रो र स्वतन्त्र उम्मेदवार बलराम महतो १ हजार ५४० मतका साथ चौथोे स्थानमा रहनुभएको छ ।
निवर्तमान नगरप्रमुखसमेत रहनुभएका गठबन्धनका लालकिशोर साह १ हजार ५१९ मतका साथ पाँचौँ स्थानमा हुनुहुन्छ ।
उपप्रमुखमा कांग्रेसका किशोरी साहले अग्रता कायम राख्नुभएको छ । उहाँले पाँच हजार ९११ मत प्राप्त गर्नुभएको छ । एमालेका रुना झाले तीन हजार ७८० मतका साथ उहाँलाई पछ्याइ रहनुभएको मुख्य निर्वाचन अधिकृत ब्रजेश प्याकुरेलले जानकारी दिनुभयो ।
