उदयपुर । निर्वाचनको काम नसकिँदै उदयपुरका मुख्य निर्वाचन अधिकृत दीपक खनालले राजीनामा दिएका छन् । स्वास्थ्यमा समस्या आएको कारण जनाउँदै उनले राजीनामा दिएको बताइएको छ ।
शनिबार काम गरिरहेको बेला बेहोस भएपछि निर्वाचनको बाँकी काम गर्न नसक्ने भन्दै खनालले निर्वाचन आयोगसमक्ष राजीनामा दिएका हुन् ।
उदयपुरको त्रियुगा नगरपालिका–१२ स्थित जनप्रेमी आधारभूत विद्यालय पुरानो गाईघाटमा रहेको मतदान केन्द्रमा विवाद भएपछि र कटारी नगरपालिका–१० मा मतदान सम्पन्न भएपछि भएको विवादमा प्रहरीको गोली लागि एक युवाको मृत्यु भएपछि खनाल तनावमा रहेको जनाइएको छ ।
