तनहुँ । तनहुँको भिमाद नगरपालिका २ मा नेकपा एमालेको प्यानलै विजयी भएको छ । सार्वजनिक मतपरिणामअनुसार एमालेबाट वडाध्यक्ष उम्मेदवार दिनेश कुमार थापा १ हजार ५६१ मतसहित निर्वाचित भए ।
उनका प्रतिस्पर्धी नेपाली कांग्रेसका भिम बहादुर थापाले ६ सय ५६ मत ल्याए ।
यस्तै, खुल्ला सदस्यमा मेख बहादुर थापा १ हजार ३४१, प्रेम राना एक हजार २९८, दलित महिला सदस्य सुष्मा नेपाली १ हजार ७१ र महिला सदस्य स्यानीमाया थापा १ हजार ४७८ मतसहित विजयी बने ।
सो वडामा नेकपा एमालेबाट मेयर उम्मेदवार दधिराज सुवेदीले १ हजार ३३२ मत ल्याए भने उनका प्रतिस्पर्धी एकीकृत समाजवादीका काजिमान श्रेष्ठले ६१९ मत ल्याए । यस्तै, उपमेयरमा एमालेकी शारदा खनालले १ हजार ३३३ मत ल्याइन् भने कांग्रेसका मिलन आलेले ८३७ मत ल्याएका छन् ।
यसअघि भिमादको ३ नम्बर वडामा पनि एमालेका पदम राज सेनको प्यानलै विजयी बनेको छ ।
