धनुषा । मधेश प्रदेशको धनुषा जिल्लाको मिथिला नगरपालिकामा मेयर पदका उम्मेदवार महेन्द्र महतो (नेपाली काँग्रेस) र राजा राम महतो (नेकपा एमाले) बिचको प्रतिस्पर्धा निकै रोचक बन्दै गएको छ ।
पछिल्लो अपडेट अनुसार महेन्द्र महतो (नेपाली काँग्रेस) ले ६६० मत प्राप्त गरेका छन् भने राजा राम महतो (नेकपा एमाले) ले पनि ६५९ मत प्राप्त गरेका छन् । महेन्द्र महतो (नेपाली काँग्रेस) जम्मा एक मतले अगाडि रहेका छन् ।
त्यसैगरी मिथिला नगरपालिकाका उप-मेयर पदमा पनि नेपाली काँग्रेसतर्फका उम्मेदवार निर्मला कोईराला ७२३ मत पाएर अग्रस्थानमा छन् भने नेकपा एमालेतर्फका अर्का उप-मेयर पदका प्रतिस्पर्धी उम्मेदवार सुनिता सिंंह बुडाथोकीले हालसम्म् जम्मा ६४४ मत प्राप्त गरेकी छिन् ।
निर्वाचन आयोग नेपालका अनुसार मिथिला नगरपालिकामा २९ हजार ७ सय ९५ योग्य मतदाता रहेका छन् ।
