काठमाडौं । सत्तारुढ गठबन्धनका प्रमुख दुई दल नेकपा माओवादी केन्द्रका अध्यक्ष पुष्पकमल दाहाल (प्रचण्ड) र नेकपा (एकीकृत समाजवादी)का अध्यक्ष माधव कुमार नेपालबीच भेटवार्ता भएको छ ।
सोमबार बिहान नेपाल निवास कोटेश्वरमा दुई नेताबीच भेटवार्ता भएको हो । नेपाललाई भेट्न प्रचण्ड कोटेश्वर पुगेका थिए ।
करिब १ घण्टासम्म चलेको भेटवार्तामा दुई नेताबीच मन्त्रिपरिषद् विस्तार तथा राजनीतिक दलसम्बन्धी ऐनलाई संशोधन गर्न ल्याइएको अध्यादेशका विषयमा छलफल भएको बताइएको छ ।
