काठमाडौँ । मौसमविद् धरमराज उप्रेतीले स्थानीय तहको निर्वाचनको मतदान हुने दिन अर्थात् वैशाख ३० गते पानी पर्ने सम्भावना रहेको बताउनुभएको छ ।
बङ्गालको खाडीमा वैशाख २३ गतेदेखि उत्पन्न न्यून चापीय अवस्था आज समुन्द्री आँधीका रुपमा विकसित हुँदैछ भन्दै उहाँले ‘आसानी’ नाम दिइएको सो आँधी निकै तीव्र गतिमा चलेको र यसको असर भारतको उडिसा लगायत तटीय क्षेत्रमा बढी देखिने पूर्वानुमान गरिएको उल्लेख गर्नुभएको छ ।
सामाजिक सञ्जालमा मौसमविद् उप्रेतीले नेपालमा सो आँधीको असर वैशाख २८ गतेदेखि देखिन सक्ने सम्भावना रहेको उल्लेख गर्दै नेपालमा कस्तो असर हुन्छ भने कुरा भोलि (वैशाख २६ गते) सम्म थप स्पष्ट हुने बताउनुभएको छ ।
उहाँले भन्नुभएको छ, “वैशाख ३० गते मतदानको दिनदेखि पानी पर्ने पूर्वानुमान त थियो नै तर यो नयाँ प्रणालीले पूर्वी नेपालमा पानी पार्ने सम्भावनालाई बढाउन सहयोग गर्ने जस्तो छ । चुनावको पूर्वतयारीमा पनि यो सन्देशले मद्दत मिल्ने छ ।
