काठमाडौँ । नेपाल विद्युत प्राधिकरणले वर्षायाममा खपत गरी जगेडा रहने २०० मेगावाट विद्युत् प्रतिस्पर्धी दरमा भारतमा विक्रीका लागि टेन्डर आह्वान गरेको छ ।
प्राधिकरणले नेपालका जलविद्युत् आयोजनाहरुबाट उत्पादित २०० मेगावाट विद्युत् विक्रीका लागि शुक्रबार टेन्डर आह्वान गर्दै भारतीय कम्पनीहरुसँग प्रस्ताव माग गरेको हो ।
प्राधिकरणले आगामी असार १७ गतेदेखि कात्तिक २९ गतेसम्म पाँच महिना मुलुकभित्र खपत भई जगेडा भएको विद्युत् विक्री गर्न लागेको हो ।
विद्युत्का लागि भारतको केन्द्रीय विद्युत् नियमन आयोगमार्फत विद्युत् व्यापारका लागि अनुमतिप्राप्त ट्रेडिङ कम्पनीहरु, विद्युत् वितरणहरु कम्पनीले प्रतिस्पर्धा गर्नसक्ने बताइएको छ ।
भारतीय बजारमा नेपालले ३६४ मेगावाटसम्म विद्युत् विक्री गर्ने स्वीकृति पाएको छ । अहिलेलाई प्रतिस्पर्धामा बढी दर कबोल गर्ने कम्पनीलाई २०० मेगावाट विद्युत् विक्री गर्ने गरी प्राधिकरणले टेन्डर आह्वान गरेको हो ।
विद्युत् खरिद गर्न इच्छुक कम्पनीहरुले आगामी जेठ १३ गते मध्याह्न १२ बजेसम्म प्रस्ताव पेस गर्न सक्ने सूचनामा उल्लेख छ । सोही दिन प्रस्ताव खोलिने छ । विद्युत् खरिद गर्न इच्छुक कम्पनीले ५० मेगावाटभन्दा कम विद्युत् खरिद गर्न प्रस्ताव पेस गर्न सक्ने छैनन् ।
प्राधिकरणले आह्वान गरेको टेन्डरमा कम्पनीहरुले प्रस्ताव गरेको परिमाणको प्रतिमेगावाट ३० हजार भारतीय रुपैयाँ ९४८ हजार रुपैयाँ० प्रतिमहिना ‘अर्नेस्ट मनी डिपोजिट’ गर्नुपर्ने उल्लेख छ ।
मुलुकभित्र खपत भई जगेडा रहने विद्युत् ढल्केबर–मुजफ्फपुर ४०० केभी अन्तरदेशीय प्रसारणलाइन मार्पmत निर्यात हुनेछ । प्राधिकरणको स्वामित्वमा रहेका त्रिशूली, देवीघाट, कालीगण्डकी ‘ए’, मध्यमस्र्याङ्दी र निजी क्षेत्रको गिन भेन्चर्स लिमिटेडको लिुख–४ बाट उत्पादित ३६४ मेगावाट विद्युत् विक्रीका लागि स्वीकृति पाएको छ ।
