• ४ असार २०८१, मंगलवार
  •      Tue Jun 18 2024
  •   Unicode
Logo
Latest
★   ग्लोबल आइएमई बैंकको नयाँ एटीएम त्रिभुवन अन्तर्राष्ट्रिय विमानस्थल परिसरमा ★   आँखालाई माया गर्नुहोस्’ लोकार्पण ★   यी हुन् टी-२० विश्वकपमा समूह चरणमा धैरै रन बनाउने ब्याट्सम्यानहरु ★   शिक्षामा दलीय राजनीति रोक्ने निर्णयबाट पछि हट्दिनँः मन्त्री श्रेष्ठ ★   कार्यकर्तालाई बाड्न सरकारले ५५ अर्ब भन्दा बढी बजेट एक करोड भन्दा तलका आयोजनामा राख्यो: डा.महत ★   म एक्लैले सबैको ठाउँमा खेल्न सक्दिन, हामी व्यक्तिको कारण नभई टोलीको रूपमा हार्यौं: बाबर आजम ★   पेरिस ओलम्पिकमा उच्च तापक्रमको खतरा रहने चेतावनी ★   प्रधानमन्त्रीले नैतिकताको आधारमा पदमा बसिरहन मिल्दैन: प्रभु साह ★   भौतिक पूर्वाधार तथा यातायात मन्त्रालयको बजेट पुनर्लेखन गर्नुपर्छ: अब्दुल खान ★   अध्यक्ष ठाकुरको प्रश्न: जनयुद्ध गरेको माओवादी नेतामाथि कुनै मुद्दा छैन, मधेसी नेतामाथि मुद्दा किन ?

आरबीबी–एनभिए भलिबलः पुलिसको अपराजित यात्रा जारी



काठमाडौं । महिला तर्फको विभागीय टोली नेपाल पुलिस क्लबले राजधानीमा जारी छैटौं आरबीबी–एनभिए राष्ट्रिय महिला तथा पुरुष भलिबल क्लब लिगमा अपराजित यात्रालाई निरन्तरता दिएको छ ।

त्रिपुरेश्वर स्थित राष्ट्रिय खेलकुद परिषद् (राखेप) को कभर्ड हलमा सम्पन्न खेलमा नेपाल पुलिसले साविक विजेता न्यु डायमन्ड स्पोर्ट्स क्लबलाई बिहीबार सोझो सेटमा पराजित गर्दै जित निकाल्दा आफ्नो तेस्रो खेलमा पनि जितलाई निरन्तरता दिएको हो । चोटका कारण कोर्ट बाहिर रहेकी प्रतिभा मालि बिनाको न्यु डायमन्ड पुलिसविरुद्ध सोझे सेटमा पराजित भएको हो । स्पष्ट जित निकाल्ने क्रममा पुलिसले न्यु डायमन्ड माथि २५–११, २५–१७, २५–१५ को स्कोर निकालेको थियो । जितसँगै पुलिसले आफुले खेलेको तीन खेल मध्ये सबै तीनै खेलमा जित हात पारेको छ । यस संगै पुलिसको लिगमा ९ अंक भएको छ । पुलिस शीर्ष स्थानमा रहेको छ । उता पराजित न्यु डायमण्डको यो लगातार तेस्रो हार हो । न्यु डायमन्डको अंक तालिकामा १ अंक नै रहेको छ । यस अघि भएको खेलमा न्यु डायमन्ड एभरेस्ट भलिबल क्लबसँग ३–२ को सेटमा पराजित हुँदा १ अंकको खाता खोलेको थियो ।

प्रतियोगिता अन्तर्गत बिहीबार नै सम्पन्न महिला तर्फको दिनको पहिलो खेलमा अर्को विभागीय टोली एपिएफले एभरेष्ट भलिबल क्लबलाई ३–१ को सेटमा पराजित ग¥यो । एपिएफले एभरेष्ट भलिबल क्लबलाई २५–१३, २५–१०, १९–२५, २५–१९ ले पराजित गरेको हो । एपिएफको तीन खेलबाट ६ अंक भएको छ । पहिलो खेलमा एपिएफ पुलिससँग पराजित भएको थियो भने दोस्रो खेलमा एपिएफले आर्मीमाथि ३–१ को सेटमा जित निकालेको थियो ।

राष्ट्रिय बाणिज्य बैंकको मुख्य प्रायोजन रहेको भलिबल क्लब लिग अन्तर्गत बिहीबार सम्पन्न पुरुष तर्फको खेलमा गलकोट स्पोर्टस क्लब,हेल्प नेपाल र विभागीय टोली एपिएफले जित निकालेका छन् । राखेपको कोर्टमा सम्पन्न दिनको पहिलो खेलमा गलकोटले ढोरपाटन स्पोर्टस क्लबलाई ३–२ सेटमा पराजित गर्दै अंक बाँड्न बाध्य भयो । गलकोटले ढोरपाटनलाई २३–२५, २५–१५, १८–२५, २५–२२, १५–८ ले पराजित गरेको हो । गलकोटको यो जित संगै २ अंक भएको छ भने ढोरपाटनको १ अंक भएको छ । यस्तै अर्को खेलमा हेल्प नेपाल स्पोर्टस क्लबले अर्को विभागीय टोली नेपाल पुलिस क्लबमाथि ३–० को सेटमा जित निकाल्यो । हेल्प नेपालले पुलिसमाथि २५–२३, २५–२३ र २५–२० को जित निकाल्दै स्पष्ट ३ अंक जोड्न सफल भएको हो । यस संगै हेल्प नेपालको ११ अंक भएको छ भने शीर्ष स्थानमा रहेको त्रिभुवन आर्मी क्लबको १२ अंक छ ।

प्रतियोगितामा शुक्रबार पनि महिला तर्फ एक र पुरुष तर्फ तीन गरी कुल चार खेल हुनेछन् । महिला तर्फको प्रतिस्पर्धामा न्यु डायमन्ड स्पोटर््स क्लबले एपिएफको सामना गर्नेछ भने पुरुष तर्फ हेल्प नेपाल र गल्कोट स्पोटर््स क्लब, दोस्रो खेल त्रिभुवन आर्मी र नेपाल पुलिस क्लब तथा तेस्रो खेल एपिएफ र ढोरपाटन स्पोर्ट्स क्लबबीच हुनेछ ।