• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   नेविसंघद्वारा सरकारविरुद्ध सडकमै हवन गरेर बिरोध ★   सीमा क्षेत्रका बासिन्दाले भोग्नुपरेका समस्या समाधान गर्न उपप्रधानमन्त्री श्रेष्ठको आग्रह ★   एकीकृत समाजवादीः बागमती प्रदेशका पाँच जिल्ला अधिवेशन सम्पन्न ★   राष्ट्रपतिद्वारा विधेयक प्रमाणीकरण ★   अर्थराजनीतिक दृष्टिकोणमा आधारित परराष्ट्र नीति नेपालको प्राथमिकताः डा सापकोटा ★   बङ्गलादेशी नागरिकलाई नेपाल ल्याई बन्धक बनाउने पक्राउ ★   अर्थमन्त्री वर्षमान पुनले गरे बजेट लेखन समिति गठन ★   मन्त्रिपरिषद् बैठकः सरकारद्वारा तथ्यांक नियमावली २०८० लाई स्वीकृत, यस्ता छन् अन्य निर्णयहरु ★   विज्ञान र प्रविधिको क्षेत्रमा पहुँच पुर्‍याउने शिक्षा अध्यापन गराउनुपर्छः पूर्वराष्ट्रपति भण्डारी ★   सुदूरपश्चिम सरकार छाड्न नाउपा अध्यक्ष रञ्जिताद्वारा लिखित निर्देशन

भरतपुरमा केन्द्रित स्थानीय निर्वाचन



काठमाडाैं । आजबाट गन्दा स्थानीय तह निर्वाचन अब हप्ता दिनमा झरेको छ । अबको आठ दिनमा अर्थात् आगामी बैशाख ३० गते नै स्थानीय तहको निर्वाचन हुन लागेको छ । देश निर्वाचनमय भएको छ र बाह्य तथा आन्तरिक वातावरण पनि निर्वाचनमा केन्द्रित हुन पुगेको छ । तर यसो हेर्दा चुनाव अन्यत्र भन्दा पनि भरतपुरमा मात्र आएको हो कि भन्नेजस्तो देखिँदैछ । भरतपुर महानगरमा निर्वाचनको माहोल हेर्दा देशमा अन्यत्रको चुनावी तयारी कुनै सरगर्मी पो होइन कि भन्ने देखिन्छ ।

आज भरतपुर महानगरपालिकालाई नै केद्रित गरेर चुनावी सभा हुँदैछ । त्यसका लागि नेपाली कांग्रेसका सभापति एवं प्रधानमन्त्री शेरबहादुर देउवा नै त्यहाँ पुगेका छन् । उनी हिजै भरतपुर पुगेर बास बासेका छन् । साथै सत्तारुढ गठबन्धनका नेताहरु माओवादी अध्यक्ष प्रचण्ड र नेकपा एसका अध्यक्ष माधव कुमार नेपाल पनि त्यहाँ पुगिसकेका छन् । आज सत्तारुढ गठबन्धनले भरतपुर महानगरपालिकामा आमसभा गर्दैछ ।

यहाँ माओवादी अध्यक्ष प्रचण्डपुत्री रेणु दाहाल मेयरमा उम्मेदवार भएकी छिन् । त्यसैले पनि भरतपुर महानगरको मेयर पदको निर्वाचन अरुतिरको भन्दा बढी गह्रुँगो हुँदैछ । सत्तारुढ गठबन्धनका तर्फबाट रेनु साझा उम्मेदवार भएपनि यहाँ कांग्रेसका पुराना नेता जगन्नाथ पौडेलले विद्रोह गरी मेयरमा उम्मेदवारी दिएका छन् । जित्ने निश्चित नभए पनि गठबन्धनकी उम्मेदवार रेणुलाई हराउन पौडेलले भूमिका खेल्न सक्छन् जसका कारण सत्तारुढ गठबन्धनलाई भरतपुरको चुनाव नै फलामको च्युरा बन्दै गएको छ ।

कांग्रेसबाट विद्रोही उम्मेदवारी दिएका जगन्नाथ पौडेललाई मनाउन अनेक प्रयास गरे पनि उनले उम्मेदवारी फिर्ता लिन मानेनन् । उनको उम्मेदवारी फिर्ता गराउन पार्टी सभापति एवं प्रधानमन्त्री देउवाले निकै प्रयास गरे । प्रचण्ड पौडेलको घरसम्मै पुगे । गृहमन्त्री बालकृष्ण खाँड र राज्यमन्त्री उमेश श्रेष्ठले पनि निकै प्रयत्न गरे । तर पनि उनले उम्मेदवारी फिर्ता लिएनन् । बरु उनलाई चितवनका धेरै कांग्रेसीजनले साथ दिएका छन् । साथ दिएका मात्र होइन, जित्ने दाबी पनि गरेका छन् ।

अहिले मुख्यतः तीन उम्मेदवारबीच चितवनमा घम्साघम्सी जारी छ । नेकपा एमालेले विजय सुवेदीलाई उम्मेदवार बनाएको छ र उनलाई राप्रपाले सघाएको छ । त्यसैले उनी निकै शसक्त उम्मेदवार मानिन्छन् । रेणु दाहालले गत निर्वाचनमा पनि नेपाली कांग्रेसको समर्थनमा मेयर पदमा विजयी भए पनि यस बीचमा उनले चितवनमा राम्रै काम गरेर स्थानीयमाझ आफूलाई स्थापित गरेको मानिदैछ । अहिले कांग्रेसको पूर्ण समर्थन नभए पनि उनी सशक्त उम्मेदवार हुन् । अर्कातिर जगन्नाथ पौडेलको स्थिति के हो भन्ने स्पष्ट भइसकेको छैन । जित्ने सम्भावना नभए पनि रेणु दाहाललाई हराउन उनको भूमिका हुन सक्ने आकलन छ ।