काठमाडौं । टी–२० सिरिजको पहिलो खेलमा नेपाल जिम्बावे ‘ए’ सँग ६ विकेटले पराजित हुन पुगेको छ ।
त्रिवि क्रिकेट मैदानमा टस हारेर पहिला ब्याटिङ गरेको नेपालले निर्धारित २० ओभरमा ५ विकेट गुमाएर १ सय ८१ रन जोडेको थियो ।
नेपालले दिएको १ सय ८२ रनको लक्ष्य जिम्बावे ‘ए’ ले १८.४ ओभरमा ५ विकेट गुमाएर पुरा गर्यो ।
जिम्बावेका लागि इनोसेन्ट काइयाले ३० बलमा ४७, टाडिवान्से मारुमानीले ४१ बलमा ५६, टोनी मुन्योंगाले २३ बलमा ५० रन जोडे ।
यस्तै कुड्जाई माउन्जे ८ तथा रोय काइया ६ रनमा अविजित रहे । नेपालका बसिर अहमदले २ तथा करण केसी र सन्दीप लामिछानेले एक–एक विकेट लिए ।
त्यसअघि टस हारेर ब्याटिङमा उत्रिएको नेपालले जिम्बावे ‘ए’लाई १८२ रनको लक्ष्य दिएको थियो ।
निर्धारीत २० ओभरमा ५ विकेट गुमाउँदै १८१ रन जोडेको हो । नेपालका लागि कुशल भुर्तेलले ३१ बलमा ४६ रन जोडे । त्यस्तै रोहित पौडेलले २६ बलमा ३६ रन बनाए ।
आशिफ शेख १६ बलमा ९ रन बनाउँदै आउट भए भने दिपेन्द्रसिंह ऐरी १३ बलमा २८ रन जोडे । यस्तै मोहम्मद आदीम आलमले २७ बलमा ४७ रन बनाए ।
आईसीसी पुरुष क्रिकेट विश्वकप लिग टु अन्तर्गत अमेरिकामा हुने त्रिकोणात्मक एकदिवसीय सिरिजको तयारीमा स्वरूप नेपालले जिम्बावे ‘ए’ सँग सिरिज खेल्न लागेको हो ।
जिम्बाबेको टोली तीन टी–२० र तीन एकदिवसीय शृंखलाका लागि नेपाल भ्रमणमा छ ।
