काठमाडौं । पोखरामा कांग्रेस कार्यकर्ताले स्थानीय निर्वाचनमा गरिएको गठबन्धनप्रति असन्तुष्टि जनाएका छन् । पोखरा महानगरपालिकाका वडा तहमा गर्न लागिएको चुनावी गठबन्धनप्रति उनीहरुले तीव्र असन्तुष्टि प्रकट गरेका छन् ।
बिहीबार प्रदेशका कानूनमन्त्री विन्दुकुमार थापालाई घेरेर पोखरा वडा नं १८ र २४ का कांग्रेस कार्यकर्ताले ‘आज अर्कै चिह्नमा भोट हाल्न लगाउने, चुनाव भोलि फेरि पनि आउँछ, त्यतिबेला चुनाव जित्नुपर्दैन ?’ भन्दै आक्रोश पोखेका थिए ।
उनीहरुले एक्लै लडेर जित्ने अवस्था हुँदाहुँदै किन गठबन्धन गरेको भनी प्रश्न गरेका थिए । कार्यकर्ताले गठबन्धन गरे मन्त्रीलाई पनि नचिन्ने भन्दै कालो मोसो दलिदिने चेतावनी दिए ।
