![](https://newspolar.com/wp-content/uploads/2022/04/manonayan.jpg)
काठमाडौंः आगामी बैशाख ३० गते हुने स्थानीय तहको निर्वाचनका लागि एक लाख ३६ हजार २६९ जनाको उम्मेदवारी परेको छ ।
निर्वाचन आयोगले निर्वाचनमा भाग लिन चाहने उम्मेदवारका लागि यही बैशाख ११ र १२ गते मनोनयन दर्ता गर्ने व्यवस्था गरेको थियो ।
आयोगका अनुसार प्रमुखमा ३ हजार २६१, अध्यक्षमा ३ हजार २५४, उपप्रमुखमा २ हजार ३ र उपाध्यक्षमा २ हजार २९२ जनाको उम्मेदवारी परेको छ ।
यस्तै, वडा अध्यक्षमा ३२ हजार ५९, महिला सदस्यमा २३ हजार ३७५, दलित महिला सदस्यमा २१ हजार ११५ र सदस्यमा ४८ हजार ९१० जनाले उम्मेदवारी दर्ता गराएका छन् ।
मनोनयनको ढाँचा हेर्दा प्रमुख तथा अध्यक्ष पदका आकांक्षीहरुमा स्वतन्त्र उम्मेदवारको संख्या बढी देखिएको छ । प्रमुख प्रतिपक्षी दल नेकपा एमालेका उम्मेदवारहरुको संख्या पनि अरु दलभन्दा बढी छ ।