काठमाडौँ । विवेकशील साझा पार्टीबाट काठमाडौँ महानगरपालिकाको मेयर-उपमेयरमा उम्मेदवारी दर्ता भएको छ । मेयरका लागि सो पार्टीबाट समीक्षा बाँस्कोटा र उपमेयरमा कीर्ति तुलाधरले मनोनयन दर्ता गराउनुभएको हो ।
मेयर पदमा उम्मेदवारी दिएकी समीक्षा विवेकशील साझा बागमती प्रदेशकी पूर्वसंयोजक र हाल पार्टीको केन्द्रीय कार्यसम्पादन समितिको सदस्य हुन् । उनी गत निर्वाचनमा काठमाडौँ क्षेत्र नं १ ‘क’ बाट प्रदेशसभा सदस्यका लागि उम्मेदवार बनेकी थिइन् ।
त्यस्तै उपमेयरमा उम्मेदवारी दिएकी कीर्ति पार्टीको केन्द्रीय सदस्य हुन् । उनी जेसीजको दक्षिण एसियाबाटै पहिलो महिला उपाध्यक्ष रहेको पार्टीले जनाएको छ ।
