काठमाडौं । बालुवाटारमा बसेको सत्तारुढ गठबन्धन बेठकले महानगरपालिकाको भागबण्डा टुंगाएको छ ।
मंगलबार दिउँसो बसेको गठबन्धनका शीर्ष नेताको बैठकले ६ मध्ये तीन महानगर कांग्रेसले लिने, माओवादी, एकीकृत समाजवादी र जनता समाजवादी पार्टीले एक/एक महानगरको नेतृत्व लिने सहमति गरेको स्रोतले बताएको छ ।
जसअनुसार पोखरा महानगरपालिका एकीकृत समाजवादीले पाउने भएको छ भने नेकपा माओवादी केन्द्रले भरतपुर महानगरपालिका र जनता समाजवादी पार्टीले वीरगञ्ज महानगरपालिकाको नेतृत्व पाउने भएको छ ।
नेपाली कांग्रेसले काठमाडौं, ललितपुर र विराटनगर महानगरपालिकाको नेतृत्व लिने भएको छ ।
