काठमाडौं । नेकपा (माओवादी केन्द्र)का केन्द्रीय सदस्य एवम् दाङ जिल्ला इन्चार्ज जीवन गौतमले राजीनामा दिएका छन् ।
उनले आइतबार पार्टीको साधारण सदस्य समेत नरहने गरी सम्पूर्ण जिम्मेवारीबाट राजीनामा दिएका हुन् ।
उनले घोराही उपमहानगर पालिका मेयरमा दाबी गरेका थिए । तर, पार्टीको नीति विचार र सिद्धान्तमा असहमति राखेर गौतमले राजीनामा दिएका हुन् ।
उनले राजीनामा दिँदै माओवादी कम्युनिस्ट विचारबाट च्युत भएको आरोप समेत लगाएका छन् । पार्टी भित्रको अन्तरद्धन्द्धका कारण गौतमले राजीनामा दिएको हुन सक्ने बुझिएको छ ।
