एजेन्सी । स्पेनिस फुटबल लिग ला लिगा अन्तर्गत रियल मड्रिडले जित निकालेको छ । आइतबार राति भएको खेलमा रियलले सेभियालाई उसकै मैदानमा ३–२ गोलले पराजित गरेको हो ।
पहिलो हाफमा २–० गोलले पछि परेको रियलले खेलमा कमब्याक गर्दै जित निकालेको हो ।
खेलको २१ औं मिनेटमा इभान राकिटिच र २५ औं मिनेटमा एरिक लामेलाको गोलमा सेभियाले दुई गोलको सुरुवाती अग्रता बनाएको थियो ।
यता, ५० औं मिनेटमा रोड्रिगोले गोल गर्दै रियललाई २–१ को स्थितीमा ल्याए । ८२ औं मिनेटमा नाचोले गोल गर्दै खेललाई बराबरीमा ल्याए । खेल सकिनै लाग्दा इन्जुरी समयमा करिम बेन्जेमाले गोल गर्दै रियललाई जित दिलाए ।
रियल ३२ खेलबाट ७५ अंकसहित शीर्ष स्थानमा यथावत छ । सेभिया समान खेलबाट ६० अंकसहित तेस्रो स्थानमा रहेको छ ।
