काठमाडौं । चौथो संस्करणको एभरेष्ट प्रिमियर लिग (ईपिएल) टी–ट्वान्टी क्रिकेटमा चितवन टाइगर्सले लगातार तेस्रो जित हात पारेको छ ।
टियु क्रिकेट मैदानमा शुक्रबार भएको खेलमा मोहमद शाहजाद र भिम सार्कीको अर्धशतकीय इनिङ्स मद्दतले चितवनले पोखरा राईनोजलाई ९ विकेटले पराजित गरेको हो ।
पोखराले दिएको १ सय २४ रनको लक्ष्य चितवनले १६ ओभर ४ बलमा मात्र १ विकेट गुमाएर पूरा गर्यो ।
शहजादले ५२ बलमा ७ चौका र २ छक्कासहित ६३ रनको अर्धशतकीय इनिङ खेले भने भीमले पनि ४२ बलमा ५ चौका र २ छक्कासहित ५४ रनको अर्धशतकीय इनिङ खेले ।
