काठमाडौँ । नेपाली कांग्रेस बझाङका सभापति खडक बोहरा र उहाँको परिवार सडक दुर्घटनामा परेको छ ।
दुर्घटनामा उहाँका छोरा विनोद बोहराको घटनास्थलमै निधन भएको छ । नेपाली कांग्रेसका केन्द्रीय सदस्य नैनसिंह महरका अनुसार बझाङबाट धनगढी जाने क्रममा जिल्ला सभापति बोहरा र उहाँको परिवार सवार जिप दुर्घटनामा परेको हो ।
केन्द्रीय सदस्य महरले सामाजिक सञ्जालमार्फत शोकाकुल परिवारप्रति समवेदना र मृतकप्रति श्रद्धाञ्जलि प्रकट गर्दै सम्पूर्णमा शीघ्र स्वास्थ्यलाभको कामना गर्नुभएको छ ।
