एजेन्सी । इंग्लिस प्रिमियर लिग फुटबल अन्तर्ग ब्राइटनले जित निकालेको छ । शनिबार साँझ भएको खेलमा ब्राइटनले घरेलु मैदानमा टोटेनहमलाई १–० गोलले पराजित गरेको हो ।
ब्राइटनलाई जित दिलाउन एकमात्र निर्णायक गोल खेलको ९० औं मिनेटमा लिन्ड्रो ट्रोसार्डले गरे ।
हार ब्यहोरेसँगै टोटेनहम अंकतालिकामा ३२ खेलबाट ५७ अंकसहित चौंथो स्थानमा रहेको छ । यो नतिजाले टोटेनहमलाई शीर्ष चारमा रहन थप दबाब परेको छ । यस्तै, ब्राइटन समान खेलबाट ४० अंकसहित १० औं स्थानमा रहेको छ ।
