सर्लाही । सर्लाहीको मलंगवामा आयोजित कार्यक्रमकाबीच कविलासी नगरपालिकाका मेयर कौशल किशोर यादवसहित विभिन्न स्थानीय तहका १८ जना वडाध्यक्ष नेकपा एमालेमा प्रवेश गरेका छन् ।
एमाले अध्यक्ष केपी शर्मा ओलीले सर्लाहीको सदरमुकाम मलंगवामा आयोजित विशाल सभालाई सम्बोधन गरे ।
ओलीलाई विशाल जनसमुदायले फूलमालाले स्वागत गरेका थिए ।
नेकपा (माओवादी केन्द्र)का पूर्वपोलिटब्युरो सदस्य केशव ढुंगाना, बसबरिया गाउँपालिकाका अध्यक्षका प्रत्याशी रामविश्वास राय लगायतका नेताहरू पनि पार्टी प्रवेश गरेको एमालेले जनाएको छ ।
