चितवन । भरतपुर महानगरपालिका अन्तर्गत वडा नम्बर १७ का ५० जना कांग्रेस कार्यकर्ताले सामूहिक राजीनामा दिँदै स्वतन्त्र अभियान घोषणा गरेका छन् ।
बेलुवा टोलमा शनिवार भेला गरेर पूर्व वडाध्यक्ष देवनारायण महतो, पूर्व वडा सभापति प्रकाश कँडेलसहित ५० जना क्रियाशील कार्यकर्ताले सामूहिक राजीनामा दिएका हुन् ।
उनीहरूले विज्ञप्तिमार्फत जनताका आधारभूत आवश्यकतामा मौन रहेने स्वार्थ केन्द्रित राजनीतिक दुष्चक्रबाट आजित भएको उल्लेख गरेका छन् । यस्तै, अमेरिकी सहयोग परियोजना एमसीसी पारित गरेकामा पनि उनीहरुले विरोध जनाएका छन् ।
