काठमाडौं । संस्कृतिविद् सत्यमोहन जोशीलाई अस्पताल भर्ना गरिएको छ ।
बिहीबार अपरान्ह ४ बजेतिर छातीमा असहज भई इमर्जेन्सीमा आएको र जाँचपश्चात मूत्र प्रणालीको संक्रमण र मुटुको चालमा समेत गडबडी देखिएकोले भर्ना गरिएको किस्ट अस्पतालका निर्देशक प्राडा सुरज बज्राचार्यले जानकारी दिनुभयो ।
उहाँको स्वास्थ्यको निरीक्षण मेडिसिन विभागको नेतृत्वमा भइरहेको छ ।
यसअघि पनि उहाँलाई छाती र पिसाबमा संक्रमण भएर भर्ना गरिएको थियो । उपचारपश्चात करिब एक हप्तापछि उहाँ डिस्चार्ज हुनुभएको थियो ।
