सोलुखम्बु । महाकुलुङ गाउँपालिका अध्यक्ष पदको उम्मेद्वारका लागि नेकपा एमालेबाट भक्त राई सर्वसम्मत सिफारिस भएका छन् ।
एमालेको स्थानीय पालिका कमिटीले पत्रकार पृष्ठभूमिका राईको नाम सर्वसम्मत सिफारिस गरेको हो ।
विराटनगरमा रहेर पत्रकारिता गरेका राई पछिल्लो पाँचवर्षदेखि गृहजिल्ला स्थान्तरण भएर पार्टी राजनीतिमा सक्रिय रहँदै आएका थिए । एमालेले पालिका पदाधिकारी टुंगो प्रदेश कमिटीबाट लगाउने मापदण्ड बनाएको छ ।
अर्कोतर्फ, सत्तारुढ गठबन्धनले भने महाकुलुङ गाउँपालिकामा उम्मेद्वार टुंगो लगाउन बाँकी छ ।
अघिल्लो पटक गाउँपालिका अध्यक्ष जितेका सागर किराँतीलाई फेरि उम्मेद्वार बनाउने नेकपा माओवादी केन्द्रको तयारी छ भने कांग्रेसले पनि पालिका अध्यक्षमा आफ्नो दाबी छोडेको छैन ।
