काठमाडौं । नेकपा एमाले र कमल थापाको नेतृत्वमा रहको राष्ट्रिय प्रजातन्त्र पार्टी (राप्रपा) नेपालबीच आसन्न स्थानीय निर्वाचनका लागि चुनावी गठबन्धन भएको छ ।
एमालेका स्थानीय विकास विभाग प्रमुख देवेन्द्र दाहाल र राप्रपा नेपालका स्थानीय निकाय परिचालन विभागका प्रमुख सुशीलकुमार श्रेष्ठले ५ बुँदे सहमतिमा हस्ताक्षर गरेका हुन् ।
दुई दलबीच देशभर सम्भव रहेको ठाउँमा एमाले र राप्रपा नेपालबीच तालमेल हुने र राप्रपा नेपालका उम्मेदवारले पनि सूर्य चिह्न लिएर निर्वाचनमा प्रतिस्पर्धा गर्ने सहमति बनेको छ ।
त्यस्तै, सहमति अनुसार राप्रपा नेपालका उम्मेदवारहरूले सूर्य चिन्ह लिएर निर्वाचनमा प्रतिस्पर्धा गर्ने र निर्वाचित भएपछि उनीहरू राप्रपा नेपालमै आबद्ध रहने छन् भने राप्रपा नेपालले उम्मेदवारी नदिएका ठाउँमा एमालेका उम्मेदवारलाई सघाउने भएको छ ।
