एजेन्सी । आइतबार राजस्थान रोयल्स र लखनउबीच भएको खेलमा राजस्थानको इनिङ्समा आर अश्विनले रिटायर्ड आउट (सन्यास) लिएका थिए । अश्विनले इनिङ्सको १९ औं ओभरमा यो निर्णय लिएका हुन् । खेलको अन्तिम ओभरमा उनको ब्याटबाट ठूला शट निस्किरहेका थिएनन् । उनले स्ट्राइक मात्र घुमाएका थिए ।
उनले ब्याटिङको सुरुवात राम्रो गरेपनि पछि बल बाउन्ड्री पार गर्न सकेनन् । जसका कारण अश्विनले अचानक यो निर्णय लिए र अम्पायरलाई बताएपछि ड्रेसिङ रुममा गए । रुने मैदानमा उत्रिए । उनको स्थानमा रियान पराग ब्याटिङमा आए ।
आश्विन आईपीएलको इतिहासमा सन्यास लिने पहिलो खेलाडी बनेका छन् । यस्तै, उनी टी–२० क्रिकेटमा यस्तो गर्ने चौथो खेलाडी बने । अश्विनको यो निर्णयको सर्वत्र प्रशंसा भइरहेको छ । उनले टोलीको हितमा यो निर्णय गरेका हुन् ।
राजस्थानको ६७ रनमा ४ विकेट खसेको थियो । त्यसपछि अश्विनले हेटमायरसँग ५औं विकेटका लागि ६८ रनको महत्वपूर्ण साझेदारी खेले । अश्विनले २३ बलको सामना गर्दै २८ रन बनाए । उनले दुई उत्कृष्ट छक्का पनि प्रहार गरे । उनले हेटमायररसँग विकेट बचाएपछि मात्र राजस्थानको टोलीले २० ओभरमा १६५ रन बनायो ।
टी– ट्वान्टी क्रिकेटमा रिटायर्ड आउट हुने खेलाडीहरु –
आर अश्विन (राजस्थान रोयल्स) २०२२
सुनझमुल इश्लाम (बंगलादेश) २०१९
सोनम तोबगे (भुटान) २०१९
शाहिद अफ्रिदी (पाकिस्तान) २०१०
