काठमाडौं । चौथो संस्करणको एभरेष्ट प्रिमियर लिग (ईपिएल) टी–ट्वान्टी क्रिकेट अन्तर्गत विराटनगर वारियर्सले काठमाडौं किंग्स–११ लाई १ सय ५ रनको लक्ष्य दिएको छ ।
कीर्तिपुरको टियु क्रिकेट मैदानमा ८ ओभरमा झारिएको खेलमा पहिले ब्याटिङ गरेको विराटनगरले ५ विकेट गुमाएर १ सय ४ रन बनायो ।
विराटनगरका लागि अनिल साहले १६ बलमा अविजित रहदै सर्वाधिक ४५ रन जोडे । उनले ५ छक्का र २ चौका प्रहार गरे । यस्तै ओपनर रायन पठानले ११ बलमा ३ छक्का र दुई चौकासहित ३० रन जोडे ।
कप्तान करण केसीले १५ रन बनाए ।
काठमाडौंका कप्तान सन्दीप लामिछाने, गुल्सन झा र रायन बर्लले समान एक–एक विकेट लिए ।