एजेन्सी । स्पेनिस फुटबल लिग ला लिगा अन्तर्गत बार्सिलोनाले रोमाञ्चक जित निकालेको छ ।
आइतबार राति सम्पन्न खेलमा बार्सिलोनाले लेभान्टेलाई ३–२ गोलले पराजित गरेको हो । लेभान्टेको दुबै गोल पेनाल्टीमा सम्भव भएको थियो । खेलका् ५२ औं मिनेटमा जोसे मोरालेसले तथा ८३ औं मिनेटमा गोन्जालेज मेलेरोले पेनाल्टीमार्फत गोल गरेका हुन् ।
यता, बार्सिलोनाका लागि ५९ औं मिनेटमा पिएरे एम्रिक अउबामेयाङ, ६३ औं मिनेटमा पेड्रीले तथा ९०+२ मिनेटमा लुक डी योङले गोल गरे ।
जितसँगै बार्सिलोना ३० खेलबाट ६० अंकसहित दोस्रो स्थानमा उक्लिएको छ । लेभान्टे ३१ खेलबाट २२ अंकसहित १९ औं स्थानमा रहेको छ ।
