काठमाडौँ । बृहत् लोकतान्त्रिक प्रगतिशील समावेशी तथा पेसागत कानून व्यवसायी समूहबाट नेपाल बार एसोसिएसनको अध्यक्षमा चुनाव लडेका गोपालकृष्ण घिमिरेको जित सुनिश्चित भएको छ ।
पछिल्लो मतगणनाअनुसार घिमिरेले तीन हजार ७२८ मत पाइसकेका छन् भने प्रतिस्पर्धी विष्णुमणि अधिकारीले एक हजार ९७७ मत पाएका छन् ।
घिमिरे अधिकारीसँग एक हजार ७५१ मत अन्तरले अगाडि छन् । अब गणना हुन बाँकी करिब एक हदार ५०० मत मात्र बाँकी रहेकाले घिमिरेको जित सुनिश्चित भएको हो ।
महासचिव पदमा पनि घिमिरे प्यानलबाट उम्मेदवारी दिएकी अन्जिता खनालले तीन हजार १७५ र उनका प्रतिस्पर्धी केदार कोइरालाले दुई हजार ३४५ मत हासिल गरेका छन् । खनालको पनि जित सुनिश्चित जस्तै छ ।
