एजेन्सी । १५ औं संस्करणको इन्डियन प्रिमियर लिग (आईपीएल)मा गुजरात टाइटन्सले विजयी सुरुवात गरेको छ । उसले आफ्नो पहिलो खेलमा अर्को डेब्यु टोली लखनऊ सुपर जाइन्ट्सलाई पाँच विकेटले पराजित गरेका थिए।
टस हारेर पहिले ब्याटिङ गरेको लखनउ सुपर जायन्ट्सले २० ओभरमा ६ विकेट गुमाएर १५८ रन बनाएको थियो । जवाफमा गुजरात टाइटन्सले १९.४ ओभरमा ५ विकेटको क्षतिमा लक्ष्य पछ्यायो ।
गुजरातले १२ औं ओभरमा ७८ रनमा चार विकेट गुमाएको थियो । गुजरातको टोलीले लक्ष्य पूरा गर्न नसक्ने देखिएको थियो । त्यसपछि राहुल तेवाटिया र डेभिड मिलरले खेललाई माथि उठाए । १६औं र १७औं ओभरमा दुवै ब्याट्सम्यानले जम्मा ३९ रन बनाए र यहाँबाट खेल गुजरातको पोल्टामा गयो ।
मिलर २१ बलमा ३० रन बनाएर आउट भए तर तेवाटियाले युवा अभिनव मनोहरसँग मिलेर खेलको अन्त्य गरे । गुजरातलाई अन्तिम ओभरमा ११ रन चाहिएको थियो । बल आवेश खानको हातमा थियो । अभिनव मनोहरले पहिलो दुई बलमा दुई चौका प्रहार गरे । यसपछि एक रन आयो र चौथो बलमा तेवाटियाले चौका प्रहार गर्दै गुजरातलाई जित दिलाए ।
तेवातियाले २४ बलमा पाँच चौका र दुई छक्का प्रहार गर्दै अविजित ४० रन बनाए । त्यस्तै युवा अभिनव मनोहरले सात बलमा १५ रनको अविजित इनिङ्स खेले । यसमा तीन चौका समावेश थिए । यसअघि लखनउले दीपक हुड्डाको ४१ बलमा ५५ र २२ वर्षीय आयुष बडोनीले ४१ बलमा ५४ रन बनाएर १५८ रन बनाएको थियो । गुजरातका लागि मोहम्मद शामीले ३ विकेट लिए ।
लखनउले २९ रनको स्कोरमा पहिलो चार विकेट गुमाएको थियो । त्यसपछि दीपक दुडा र आयुष बडोनीले ५औं विकेटका लागि ६८ बलमा ८७ रनको साझेदारी गर्दै टोलीलाई खेलमा फर्काएका थिए । दीपक ४१ बलमा ५५ रन बनाएर आउट भए । आईपीएलमा उनको यो चौथो अर्धशतक हो । आयुषले पनि ४१ बलमा ५४ रनको इनिङ खेले । आयुषले आईपीएलमा डेब्यू गर्दै अर्धशतक बनाएका थिए । आफ्नो इनिङ्समा २२ वर्षीय युवाले ७ बल बाउन्ड्रीबाहिर पठाए ।
गुजरातका कप्तान हार्दिक पाण्ड्याले २८ बलमा ३३ रन बनाए भने क्रुणाल पाण्ड्याले उनलाई आउट गराए । हार्दिकको क्याच मनिष पाण्डेले लङअफमा समाते । हार्दिक आफ्नै भाइको बलमा आउट भएर मैदान बाहिर फर्केका थिए ।
केएल राहुल दोस्रो पटक आईपीएलमा खाता नखोल्दै आउट भए । यसअघि २०१६ मा राहुल गुजरात लायन्सविरुद्ध धवल कुलकर्णीले शून्य रनमा आउट भएका थिए र यस खेलमा उनी मोहम्मद शमीको बलमा ० रन बनाएर पभिलियन फर्किएका थिए। विशेष कुरा के छ भने, उनी दुवै पटक गुजरातविरुद्ध गोल्डेन डक र शून्यमा आउट भएका थिए । राहुल पहिलो बलमा शून्य रनमा आउट हुने दोस्रो आईपीएल कप्तान बने । राहुल भन्दा पहिले, ब्रेन्डन म्याकुलम २००९ मा आरसीबी विरुद्ध गोल्डेन डकमा आउट भएका थिए ।
आजको खेलः सनराइजर्स हैदरावादविरुद्ध राजस्थान रोयल्स – ७ः४५ बजे
