काठमाडौं । प्रधानमन्त्री तथा नेपाली कांग्रेसका सभापति शेरबहादुर देउवाले क्रियाशील विवादलाई लिएर लामो समयदेखि केन्द्रीय कार्यालयमा अनसन बसिरहेका बारा र रौतहटका कार्यकर्तालाई अस्पताल लगेर उपचार गर्नुपर्ने बताएका छन् ।
बुधबार बालुवाटारमा भएको कांग्रेस शीर्ष नेताहरुको छलफलमा वरिष्ठ नेता रामचन्द्र पौडेलपक्षले अनसन बसिरहेका कार्यकर्ताको स्वास्थ्य बिग्रिएको बताउँदै माग सम्बोधन गर्न पौडेल पक्षले आग्रह गरेका हुन्।
अनसनरत कार्यकर्ता बिरामी पर्न लागेको पौडेलले सुनाउँदा देउवाले अस्पताल लगेर उपचार गर्नुपर्ने बताएका थिए। दशैंको बेलामा कार्यकर्ता अनसनमा राखेर नेताहरुले कसरी पर्व मनाउने भन्दै पौडेल पक्ष सभापतिप्रति रुष्ट देखिएको थियो।
