काठमाडौं । राष्ट्रपति विद्यादेवी भण्डारी विभिन्न कार्यक्रममा सहभागी हुन आज लुम्बिनी जानु हुने भएको छ ।
राष्ट्रपति भण्डारीले नेपाल बज्रयान महाबिहारको नेपाल मण्डल व्दार अवलोकन कार्यक्रममा सरिक हुनुहुने कार्यक्रम रहेको राष्ट्रपति कार्यालयले जनाएको छ ।
यसैगरी लुम्बिनी विकास कोष र लुम्बिनी बौद्ध विश्वविद्यालयको प्रस्तुतीकरण कार्यक्रममा राष्ट्रपति भण्डारी सरिक हुनु हुनेछ ।
राष्ट्रपति भण्डारीले नवनिर्मित गौतमबुद्ध अन्तर्राष्ट्रिय बिमानस्थलमा राखिएको बुद्धमूर्तिको अनावरण गर्ने कार्यक्रम रहेको छ । राष्ट्रपति भण्डारी आजै काठमाडौ फर्कनु हुनेछ ।
आन्तरिक पर्यटनलाई प्रबर्धनका लागि राष्ट्रपति भण्डारीले हिजो शनिबार मुस्ताङस्थित मुक्तिनाथ मन्दिर र ढोरपाटन शिकार आरक्ष क्षेत्रको अवलोकन भ्रमण गर्नु भएको थियो ।
