सुर्खेत । कर्णाली प्रदेशको मुख्यमन्त्रीमा जीवनबहादुर शाही नियुक्त भएका छन् ।
नेकपा (माओवादी केन्द्र)का महेन्द्रबहादुर शाहीले मुख्यमन्त्रीबाट सोमबार राजीनामा दिएपछि कर्णालीका कांग्रेस संसदीय दलका नेता शाही नयाँ मुख्यमन्त्रीमा चयन भएका हुन् ।
नेपाली कांग्रेस र एकीकृत समाजवादीसहितको गठबन्धनबीच भएको सहमतिअनुसार माओवादीका शाहीले सोमबार राजीनामा दिएका थिए । सोही गठबन्धनको समर्थनमा शाही मुख्यमन्त्री बनेका हुन् ।
