काठमाडौँ । नेकपा माओवादी केन्द्रको जारी केन्द्रीय समिति बैठक महत्वपूर्ण विषयहरु थाँती राख्दै सकिने भएको छ । दुई दिनको गृहकार्यपछि आज पुनः बसेको बैठकले केन्द्रीय सदस्यहरुको कार्यविभाजन गर्ने र अन्य विषयहरु थाँती राख्ने तयारी भएको बैठकमा सहभागी एक नेताले जानकारी दिनुभयो ।
उहाँले भन्नुभयो, “बैठकमा लागि तय गरिएका ६ ओटा प्रस्तावमध्ये केन्द्रीय सदस्यको कार्यविभाजन मात्र होला जस्तो छ अरु विषयमा निर्णय हुँदैन ।” पार्टीको पदाधिकारी चयन, एमसीसीका सन्दर्भमा नेतृत्वले लिएको निर्णय लगायतका विषयमा विवाद बढ्ने लक्षण देखिएपछि बैठक आजै अत्य गर्ने तयारी भएको उहाँले जानकारी दिनुभयो ।
माओवादी केन्द्रले महत्वपूर्ण विषयहरु थाँती राख्दै स्थानीय तहको निर्वाचनपछि मात्र निर्णय गर्ने तयारी गरेको छ ।
