काठमाडौं । बलिउड महानायक अमिताभ बच्चनले नेपालप्रति सद्भाव र स्नेह देखाउँदै आएका छन् ।
फेरि एकपटक अमिताभले नेपाल र नेपालीप्रति स्नेह दर्शाएका छन् । गएराति अमिताभले इन्स्टाग्राममा नेपाली ढाकाटोपी लगाएको तस्बिर सेयर गरेका छन् । ‘केटीको केटीको’ क्याप्सनसहित उनले नृत्य गर्न लागेको तस्वीर सेयर गरेका हुन् ।
भारतको उत्तराखण्डमा छायांकन भइरहेको बलिउड फिल्म ‘उचाइ’को सुटिङ सेटमा अमिताभले नेपाली ढाकाटोपी लगाएको हुनसक्ने अनुमान गरिएको छ । यद्यपि, अमिताभले फिल्मबारे भने खुलाएका छैनन् ।
केही महिना पहिले नेपालमै सुटिङ भएको यो फिल्मको बाँकी छायांकन नेपालीभाषी बहुल उत्तराखण्डमा छायांकन भइरहेको छ ।
अमिताभ स्वास्थ्य अवस्थाको कारण नेपाल आउन सकेका थिएनन् । सुरज वर्जत्यको निर्देशन रहेको यो फिल्ममा अनुपम खेर, बोमन इरानी, परिणीती चोपडा लगायतको अभिनय छ ।
