काठमाडौं । प्रधानमन्त्री शेरबहादुर देउवाले आगामी चैत १६ गते श्रीलंकाको भ्रमण गर्नुहुने भएको छ ।
उहाँ श्रीलंकाले चैत १६ गतेबाट आयोजना गर्ने बहुक्षेत्रीय प्राविधिक तथा आर्थिक सहयोगका लागि बंगालको खाडीको प्रयास (बिमस्टेक) को पाँचौं शिखर सम्मेलनमा सहभागी हुन त्यसतर्फ जानुहुने भएको परराष्ट्रमन्त्री डा. नारायण खड्काले जानकारी दिनुभयो ।
बिमस्टेकको चौथौं सम्मेलन सन् २०१८ मा काठमाडौंमा भएको थियो ।
बिमस्टेकमा नेपाल, भारत, श्रीलंका, भुटान, बंगलादेश, थाइल्याण्ड र म्यानमार गरी ७ राष्ट्र सदस्य छन् ।
सम्मेलनमा सातवटै देशका राष्ट्र तथा सरकार प्रमुखले सहभागिता जनाउनेछन् ।
