काठमाडौं । नेकपा (माओवादी केन्द्र)ले स्थानीय तहको निर्वाचनलाई लक्षित गर्दै चुनावी कमाण्ड बनाउने भएको छ ।
दुई दिन चलेर सोमबार सम्पन्न केन्द्रीय समिति बैठकले सातै प्रदेश अन्तर्गत विभिन्न जिल्लाहरूलाई समेटेर विभिन्न कमाण्ड बनाउने भएको हो ।
प्रदेश इन्चार्जले प्रदेशभित्रका पार्टी केन्द्रीय सदस्यहरुको बैठक राखेर ती प्रदेशभित्रका जिल्लाहरूलाई विभिन्न समूहमा विभाजन गरेर कमाण्ड बनाउने एक नेताले जानकारी दिए ।
जसका लागि केन्द्रीय समिति बैठकले प्रदेश इन्चार्ज समेत तोकेको छ ।
प्रदेश १ को इन्चार्जमा राम कार्की, मधेस प्रदेशको इन्चार्ज गणेश साह, बागमतीमा हितमान शाक्य, गण्डकीमा हितराज पाण्डे, लुम्बिनीमा चक्रपाणि खनाल, कर्णालीमा कालीबहादुर मल्ल र सुदूरपश्चिममा खगराज भट्ट इन्चार्ज तोकिएका छन् ।
त्यस्तै, सम्पर्क समन्वय प्रदेशमा डिलाराम आचार्य र उपत्यका विशेष समन्वय प्रदेशमा लिलामणि पोखरेललाई इन्चार्जको जिम्मेवारी दिइएको छ ।
