एजेन्सी । रुस र युक्रेनबीचको युद्धको आज १३ औं दिन हो । यसैबीच, दुई देशबीच युद्धविरामका लागि भएको तेस्रो चरणको वार्ता पनि निष्कर्षविहीन भएको छ ।
सोमबार बेलारुसमा भएको उक्त वार्तामा युक्रेनभित्र युद्धको बीचमा रहेका मानिसहरूलाई बाहिर निकाल्न मानव करिडोर निर्माण गर्नेमा सहमति बन्न सकेन ।
यसैबीच, रसियाले लगातार दोस्रो दिन पनि नागरिकहरूलाई बाहिर निकाल्न युद्धविराम जारी राख्ने कुरा गरेको छ । आज किभ, खार्किभ, सुमी, चेर्निहिभ र मारिउपोल सहरहरूमा युद्धविराम हुनेछ। सोमबार पनि यी पाँच सहरमा युद्धविराम गरिएको थियो ।
रुसी बमबारीको बीचमा, मानिसहरू आफ्नो ज्यान बचाउन युक्रेन छोड्दैछन् । जसमा बालबालिका, वृद्धदेखि बिरामी समेत रहेका छन् ।
