![](https://newspolar.com/wp-content/uploads/2022/03/94925366_1310845455776772_2074806809872302080_n.jpg)
ब्लड क्यान्सर पीडित गुल्मी हस्तीचौर ६ का १५ वर्षीय किशोर रमेश घिमिरेको उपचारकोलागि बेल्जीयममा रहेका गैर आवासीय नेपालीहरुले १ लाख रुपैया नगद सहयोग गरेका छन् ।
बेल्जियममा रहेका रामप्रसाद पाण्डे सहितका ६० जना नेपालीहरुको पहलमा संकलित सो रकम उनका भाई तुलसीराम पाण्डेले पत्रकार सम्मेलन गरेर पीडितलाई हस्तान्तरण गरेका छन् ।
कार्यक्रममा क्यान्सरपीडित किशोरका बुबा रामलाल घिमिरेले सहयोगीहरुको सहयोगमा छोराको खर्चिलो रोगको अहिलेसम्म उपचार गरिरहेको भन्दै भावी दिनमा थप उपचारकोलागि समेत सहयोग गर्न आब्हान गरे ।
उनले अहिलेसम्म उपचारको चार साईकल सकिएको र अहिले सुधार हुँदै आएको जानकारी दिदै पाँच वर्षसम्म उपचार गर्नु पर्ने भएकोले सहयोगको अपेक्षा ब्यक्त गरे । उनले आफूहरुलाई अहिलेसम्म सहयोग गर्नेलाई धन्यबाद दिदै सहयोगको लागि राष्ट्रिय बाणिज्य बैंकको खाता नम्बर ११५००३५२४७१० र सम्पर्ककोलागि आफ्नो मोवाईल नम्बर ९८४७३५९५२७ समेत सार्वजनिक गरेका थिए ।