३ बैशाख २०८२, बुधबार
April 16, 2025 Wednesday

17.27°C

काठमाडौं

17.27°C

Kathmandu

Feels-like: 17.51

Wind: 1.03

Humidity: 94

Latest
रविन्द्र र धवलविरुद्ध मुद्दा नचलाइने, रिहा गर्न साइत कुर्दै सरकार इलामका सीमावर्ती गाउँमा विद्यार्थी छन्, विद्यालय छैनन् यस्तो छ आज निर्धारित विदेशी मुद्राको विनिमय दर शिक्षकहरुलाई विद्यालयमा फर्कन मन्त्रिपरिषद्को आह्वान् बार्सिलोना र पिएसजी च्याम्पियन्स लिगको सेमिफाइनलमा, डर्टमण्ड र एस्टन भिल्ला बाहिरिए नेपालको सीमानजिकै चीनको सिगाल्सेमा भूकम्पको कडा धक्का सुनसरीमा दुई समूहबीच गोली हानाहान, तीनजना पक्राउ मन्त्रिपरिषद् बैठक : संसद्को बजेट अधिवेशन आह्वान गर्न सिफारिस गण्डकी प्रदेशको बजेट नौ महिनामा ३५ प्रतिशत खर्च तेस्रो पटक जिब्रो छेडेर महाद्विप बोक्दै टोलटोल घुमे बोडेका २८ वर्षीय सुजन
तपाईं के खोज्दै हुनुहुन्छ ?

अब एम्बुलेन्सको अधिकतम भाडा ५ सय मात्र



अ+ अ-

प्रजनन स्वास्थ्य समन्वय समिति ललितपुरले जिल्लाका सबै स्वास्थ्य संस्थामा प्रसूति सेवा लिन आउने महिलालाई एम्बुलेन्सले अधिकतम ५ सय रुपैयाँभन्दा बढी लिन नपाउने नियम बनाएको छ । एम्बुलेन्सले बढी रकम असुली गरेको जनगुनासो आउन थालेपछि समितिले अधिकतम मूल्य तोकेको आजको राजधानीमा समाचार छ । नयाँ कार्यक्रम लागू भएपछि सहरी क्षेत्रसँगै ग्रामीण क्षेत्रका स्थानीय बढी लाभान्वित हुनेछन् ।

बर्थिङ सेन्टर सञ्चालन भएका स्वास्थ्य संस्थामा एम्बुलेन्सको सहजता हुनुपर्ने जिल्ला जनस्वास्थ्य कार्यालयमा कार्यरत पब्लिक हेल्थ नर्स अम्बिका पाण्डेले बताइन् । उनका अनुसार दक्षिणका ग्रामीण क्षेत्रमा त्यहाँ उपचार नभएका केस सहरी क्षेत्रसम्म ल्याउन समस्या परेको छ । आफ्नो गाविसभित्र एम्बुलेन्स नहुने भएकाले अन्यत्रबाट ल्याउँदा बढी भाडा माग्दा स्थानीय हैरान बनेको उनी बताउँछिन् ।
उनले भनिन्, ‘५ सय भाडा तोकिदिँदा ती सबै समस्याको हल हुने देखिन्छ ।’ जिल्लामा सञ्चालित सबै एम्बुलेन्सले अधिकतम भाडाको नियम मान्नुपर्ने पाण्डे बताउँछिन् । उनका अनुसार त्यसको सुरुआतका लागि कार्यालयले पहिलेदेखि नै पहल गरेको थियो । विभिन्न समयमा राजनीतिकर्मी, शिक्षकलगायतका व्यक्तिसँग पनि बर्थिङ सेन्टरलाई व्यवस्थित बनाउने विषयमा छलफल हुँदै आएको छ । बर्थिङ सेन्टर सुरु गर्नुअघि नै यी विषयमा छलफल हुने पाण्डेले बताइन् । उनले भनिन्, ‘पहिले समुदाय जिम्मेवारी लिन तयार भएपछि बर्थिङ सेन्टर सुरु गर्ने गरिएको छ ।’
बर्थिङ सेन्टर सञ्चालन भएका स्वास्थ्य संस्थामध्ये पनि एम्बुलेन्स भएका स्वास्थ्य संस्थामा महिलाको चाप बढी देखिएको छ । सहरी क्षेत्रनजिकै भएर पनि लुभु स्वास्थ्य संस्थाले सेवा दिने महिलाको संख्या बर्सेनि बढाएको छ । लुभु प्राथमिक स्वास्थ्य केन्द्रले स्थानीयलाई आकर्षित गर्नकै लागि एम्बुलेन्स निःशुल्क गरिदिएको छ ।
पाण्डेले भनिन्, ‘सरकारको कार्यक्रम स्थानीयसम्म पुर्‍याउन एम्बुलेन्सको सहजताको महत्वपूर्ण भूमिका हुने देखिरहेको छ ।’