पर्सा। जिल्ला प्रशासन कार्यालय (जिप्रका) पर्साले संविधान दिवस तथा राष्ट्रिय दिवस, २०८३ भव्यताका साथ मनाउन विभिन्न सरकारी कार्यालयलाई अनुरोध गरेको छ ।
संविधान दिवस तथा राष्ट्रिय दिवस, २०८३ (असोज २ र ३ गते दुई दिनसम्म) भव्यताकासाथ मनाउन जिप्रकाले जिल्ला समन्वय समिति, पर्सा, सरकारी कार्यालय सबै, पर्सा र यस जिल्लाका सबै स्थानीय तहलाई आज पत्राचार गरेको छ ।
नेपाल राज्यभर भव्यताकासाथ मनाउने सन्दर्भमा संविधान दिवस तथा राष्ट्रिय दिवस, २०८३ मूल समारोह समितिका अध्यक्ष प्रधानमन्त्री वालेन्द्र शाहको अध्यक्षतामा यही भदौ २६ गते प्रधानमन्त्री तथा मन्त्रिपरिषद्को कार्यालय, सिंहदरबारमा बसेको बैठकले दिवसलाई देशैभरि भव्यताका साथ मनाउने निर्णय गरेको थियो ।
दिवस भव्यताकासाथ मनाउने व्यवस्था मिलाउनु भनी गृह मन्त्रालय (मूल समारोह समितिको सचिवालय), सिंहदरबार, काठमाडौँको पत्रका आधारमा जिप्रकाले पर्साका विभिन्न निकायलाई अनुरोध गरेको हो । रासस
