• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   शौचालयमा मृत भेटिइन् डा प्रतिभा ★   जीर्ण महोत्तरी कारागारको तत्काल जीर्णोद्धार थाल्न सुझाव ★   आजको आईपीएल: घरेलु मैदानमा कोलकातामाथि जितको खोजिमा बेंगलुरु ★   दक्षिण अफ्रिकामा बस दुर्घटना, ४५ जनाको मृत्यु ★   नेपालमा जलवायु परिवर्तनले पारिरहेको प्रभावबारे प्रभावकारी रुपमा आवाज उठायौँ: सभामुख घिमिरे ★   चीनको ‘जिडिआइ’ बाट नेपालले पनि लाभ लिनसक्छः उपाध्यक्ष पौडेल ★   सुनको मूल्यमा नयाँ रेकर्ड, तोलाको एक लाख ३० हजार पुग्यो ★   व्यावसायिक कृषितर्फ उन्मुख हुन प्रेरित गर्दै प्राविधिक शिक्षालय ★   आधा आकाश ओगट्ने महिलालाई नसमेटिकन चम्किलो धर्तीको कल्पना गर्न सकिँदैन: प्रधानमन्त्री ★   प्रसाईंलाई हतियार राख्न अनुमति दिएकोबारे अनुसन्धान गर्न गृहमन्त्रालयले बनायो छानविन समिति

नेविसंघले प्रत्येक बुथमा ५० विद्यार्थी परिचालन गर्ने



काठमाडौ, ८ असोज । आगामि संविधान सभाको निर्वाचनमा माउ पार्टी नेपाली काग्रेसको पक्षको मत सुरक्षाको लागि भातृ संगठन नेपाल विद्यार्थी संघले प्रत्येक बुथमा ५० जना विद्याथीहरु परिचालन गर्ने भएको छ ।
संघले आफ्नो निर्वाचन सम्बन्धी रणनीति सार्वजनिक गर्दै आगामि संविधानसभाको सफलताको लागि यूवा नेतृत्व र लोकतान्त्रिक संविधान निर्माणकालागि काग्रेसको नेतृत्व आवश्यक भएकोले आफूहरु योजनाबद्ध रुपमा चुनावमा होमिएको स्पष्ट पारेको छ ।

संघले त्यसका अतिरिक्त चुनावमा नेपाली काग्रेसलाई पहिलो पार्टी बनाउन प्रत्येक बुथका ५ जनाका दरले देश भरीका ५० हजार १ सय ७५ जनालाई कार्तिक ३ गेत चुनावी रणनीति र कार्यनीतिका सम्बन्धमा विशेष प्रशिक्षण दिएर खटाउने, त्यसैगरी काग्रेसको पक्षमा चुनावी माहौल निर्माणको लािग अनलाईन पत्रिका संचालन गर्ने, आसोज ११ गते काठमाडौमा विशाल मोटरसाईकल र्याली गर्ने, सीआरवीटी तयार पार्ने, फेसबुकबाट प्रचार गर्ने योजना सार्वजनिक गरेको छ ।
उसले आगामि संविधानसभाको निर्वाचनमा बर्तमान कार्यसमितिका ६ जना प्रत्यक्ष र २२ जना समानुपातिकतर्फबाट सिफारिस भएको र त्यसैगरी पूर्व अध्यक्ष र पदाधिकारीहरु मध्ये ३५ जना प्रत्यक्षतर्फबाट र ५४ जना समानुपातिक बाट सिफारिस भएको जानकारी दिदै सबैलाई उमेदवार बनाउन पार्टीलाई आग्रह समेत गरेको छ ।

पत्रकार सम्मेलनमा बोल्दै सभापति रञ्जित कर्णले अघिल्लो संविधानसभामा यूवाहरुको प्रतिनिधित्व हुन नसक्दा असफल भएको दावी गर्दै अबको निर्वाचनमा प्रत्येक जिल्लाबाट यूवा उमेदवारलाई प्राथमिकता दिनु पर्ने बताए ।
उनले लोकतन्त्रको लागि सधै आन्दोलनको अग्र मोर्चामा रहेको यूवालाई संविधानसभामा प्रतिनिधित्व र काग्रेसको नेतृत्वमा संविधानसभा भए मात्रै संविधान निर्माण हुने दावी गर्दै त्यसको लागि संघले देश ब्यापी अभियान चलाउन लागेको जानकारी दिए ।
ऋषि केस जंग शाहले संविधानसभाको सफलताको लागि यूवाहरुको उपस्थिति अनिवार्य भएको भन्दै असन्तुष्ट दलहरुलाई पनि निर्वाचनमा ल्याएर संविधानसभालाई सफल बनाउनु पर्ने बताए ।
जित शेरचनले फेरि पनि यूवाहरुको संविधानसभामा प्रतिनिधित्व नभए दुर्घटना हुने चेतावनी दिए ।