काठमाडौं ८ असोज । नेकपा–माओवादीका बरिष्ठ केन्द्रीय सदस्य महेन्द्र पासवान र धिरज पटेल लगायतका नेता–कार्यकर्ताहरुले पार्टी परित्याग गरेका छन् ।वैद्य माओवादी परित्याग गर्नेहरुमा धनुषा, बारा, पर्साका जिल्ला ईन्चार्ज, सहइन्चार्ज, सेक्रेटरी तथा राज्य समिति सदस्यहरु रहेका छन् ।
विघटित संविधानसभामा सिराहा क्षेत्र नम्बर ५ बाट सभासद समेत बन्नु भएका पासवानले ईमेल मार्फत् आफ्नो राजीनामा पार्टी कार्यालयमा पठाउनु भएको छ । उहाँ हाल जबस मोर्चाको केन्द्रीय ब्युरोको सचिवालय सदस्य हुनुहुन्थ्यो ।
पासवानले विघटनको संघारमा रहेको माओवादीले क्रान्ति नगर्ने र मधेसी समुदायको पनि हित नगर्ने भएकाले पार्टी छाडेको बताउनु भयो ।
