काठमाडौँ, भदौ १० ।
यु १९ साफ पुरुष फुटबल प्रतियोगितामा नेपाल र भारत फाइनलमा पुगेका छन् । आज भएका दुई सेमिफाइनल खेलमा नेपालले अफगानिस्तान र भारतले बङ्गलादेशलाई पराजित गरी फाइनलमा पुगेका हुन् ।
सातदोबाटोस्थित एन्फा कम्प्लेक्समा विहीबार सम्पन्न सेमिफाइनल खेलमा अफगानिस्तानलाई ३–२ गोल अन्तरले पराजित गर्दै नेपाल नेपाल
फाइनलमा पुगेको हो । नेपाली टिमबाट अञ्जन विष्टले ३४ र ३९औं मिनेटमा दुई गोल गरे । उनले नेपाललाई मध्यान्तरअघि नै २–० को अग्रता दिलाएका थिए । तर, मध्यान्तरपछिको लगत्तै ५०औं मिनेटमा नेपालका अनन्त तामाङबाट आत्मघाती गोल भएको थियो । सुनिल बलले ५२औँ मिनेटमा थप एक गोल गरेपछि नेपालले ३–१ ले अग्रता लिएको थियो ।
अफगानिस्तानबाट मेहबिरेजायीले ७२औँ मिनेटमा दोश्रो गोल गरेका थिए ।
यसैबीच आजै भएको अर्को खेलमा भारतले टाइब्रेकरबाट बंगलादेशलाई पराजित गर्दै फाइनल प्रवेशको स्थान सुरक्षित गरेको हो । नेपाल र भारतबीच भने शनिबार हुनेछ ।
युवा तथा खेलकुद मन्त्रालयले उपाधी जितेमा खेलाडीलाई जनही एक लाख रुपैया दिने घोषणा गरेको छ । युवा तथा खेलकुद मन्त्री पुरुषोत्तम पौडेलले आज पत्रकार सम्मेलन गरी घोषणा गरेका हुन् ।
