• २० असार २०७९, सोमबार
  •      Mon Jul 4 2022
Logo
Latest
★   मकवानपुरमा जन्ती बोकेको ट्र्याक्टर दुर्घटना हुँदा एक जनाको मृत्यु, २६ घाइते ★   सनराइज बैंकले ल्यायो कस्टमाइज फोटो कार्डको सुविधा ★   श्रावण महिनाभर एमाले बाग्मतीले ‘सुशु’ अभियान संचालन गर्ने ★   एमालेभित्रको अन्तर्घात छानबिन गर्न कार्यदल ★   १७ डिआइजीलाई दज्र्यानी चिह्न ★   निर्वाचनमा भएका अन्तरघातको छानबिनका लागि एमालेले बनायो समिति ★   अढाई करोडका सिन्काले दाँत कोट्याउँछन् नेपाली ! ★   अर्थ मन्त्रालय भन्छः जेठ १४ गते रातिको सीसीटीभी फुटेज मेटियो ★   दक्षिण पश्चिम पाकिस्तानमा बस खाल्डोमा खस्दा १९ जनाको मृत्यु, १२ घाइते ★   उपत्यका विशेष प्रदेश कमिटीमा स्थानीय निर्वाचनको समीक्षा

सशस्त्रको ४० इन्स्पेक्टरका लागि लिइएको परीक्षामा २५ जना मात्र पास



काठमाडौं, भदौ २२ । सशस्त्र प्रहरी बलले ४० जना इन्स्पेक्टरका लागि परीक्षा लिएकोमा २५ जना मात्र उत्तीर्ण भएका छन् ।

लोकसेवा आयोगद्वारा सञ्चालित लिखित परीक्षामा खुलातर्फ १९ जना तथा महिलातर्फ एकजना, आदिवासीरजनजातितर्फ चारजना र पिछडिएको क्षेत्रतर्फ एकजना उत्तीर्ण भएका छन् ।

पदपूर्तिका लागि खुलातर्फ २२, महिलातर्फ तीन, आदिवासीरजनजातितर्फ ६, मधेसीतर्फ पाँच, दलिततर्फ तीन र पिछडिएको क्षेत्रतर्फ एकजना आवश्यक संख्याका लागि गत वर्ष ०७१ साल भदौ १५ गते खुला प्रतियोगिताद्वारा पदपूर्तिका लागि दरखास्त आह्वान गरिएको थियो ।

लिखित परीक्षा उत्तीर्ण हुनेहरूमा किशोर डाँगी, वसन्त आचार्य, मौसम पोखरेल, रविन ढुंगेल, गणेश खनाल, सुजन रानाभाट, सन्तोषप्रसाद देवकोटा, रविन खकुराल छन् ।

यसैगरी, प्रदीप थापा, विजयकुमार महर्जन, रामकुमार लामिछाने, तेजबहादुर बोहरा, गंगाबहादुर कार्की, सन्तोष थापा र सन्तोष थापा नै नाम गरेका अर्का परीक्षार्थीसमेत लिखित परीक्षामा उत्तीर्ण भएका समाचार आजको नयाँ पत्रिका दैनिकमा छापिएको छ ।

त्यस्तै, गणेश खनियाँ, सञ्जय केसी, सम्झना देउजा, रामकुमार केसी, बुद्ध श्रेष्ठ, विमल बानियाँ, प्रेमकुमार राई, सचिन प्रधान, अभिषेक थापा र धर्मानन्द जोशी पनि उत्तीर्ण भएका छन् ।

खुला प्रतियोगितामा कुल पाँच सय तीनजनाले दरखास्त दिएका थिए । यसअघि सशस्त्र प्रहरी बलमा ४० जना सशस्त्र प्रहरी निरीक्षक पदका लागि ०६९ साल फागुन २३ गते खुला प्रतियोगिताद्वारा दरखास्त आह्वान गरिएकोमा २४ जना मात्रै उत्तीर्ण भएका थिए । त्यसवेला कुल नौ सय ३५ जनाले दरखास्त दिएका थिए ।