आजदेखि दशैंका लागि अग्रिम टिकट बुकिङ शुरु भएको छ । यसअघि इन्धनको मूल्यवृद्धिको विरोध गर्दै व्यवसायीहरुले टिकट बुकिङको कार्य रोकेका थिए ।
आजदेखि अग्रिम टिकट बुकिङ खुला गर्नका लागि बसेको नेपाल यातायात व्यवसायी महासंघको बैठकले सो निर्णय गरेको हो ।
यसअघि ५ गतेदेखि नै टिकट बुकिङ गर्ने भनिएपनि व्यवसायीहरुले इन्धनको मूल्यवृद्धिका कारा उक्त काम रोक्दै आएका थिए । बिरोधपछि सरकारले १० प्रतिशत सवारी भाडा बढाएपछि महासंघले बैठक बसेर टिकट बुकिङ खुला गर्ने निर्णय गरेको नेपाल यातायात व्यवसायी राष्ट्रिय महासंघका महासचिव सरोज सिटौलाले घटना र बिचारलाई जानकारी दिए । उनका अनुसार समायोजनपछिको नयाँ भाडादर शहरी क्षेत्रमा न्युनतम १४ देखि अधिकतम १८ रुपैयाँ कायम गरिएको छ ।
टिकट बुकिङको कार्य शुरु भएपछि दशैं, तिहार र छठका लागि काठमाडौंबाट बाहिरीने सर्वसाधरणहरु टिकट बुकिङका लागि बसपापर्क पुगेका छन् ।
