हेर यिनको बिजोग ! केका नाममा दिइँदैछ जनतालाई सास्ती ?

काठमाडौं, १३ मंसिर । काठमाडौमा हुन लागेको एसिया प्यासिफिक समिटलाई लक्षित गरेर सरकारले लगाएको जोर बिजोरले राजधानीबासीले बिहीबार निकै कष्ट भोग्नुपरेको समाचार छ । जोर बिजोर प्रणाली लागू गरेको भन्दै सवारी चल्न नदिएपछि शुक्रबारको ट्राफिकका कारणले यहाँको जनजीवन अस्तव्यस्त भएको छ । यसका कारण स्कुल र कलेजका विद्यार्थी मारमा परेका छन् । स्कुल कलेजको छुट्टी नदिइएकोले उनीहरु बिहान र बेलुका निकै गाह्रो गरी आउजाउ गर्नुपरेको छ ।

राजधानीमा आज बिहानैदेखि सार्वजनिक यातायातका सवारी साधनको पर्खाइमा आम मानिस बाटामा देखिन्थे । तर सडकमा थोरै मात्र गाडी कुदेका छन् । आज बिजोर नम्बरका सवारी साधनको पालो हो । आम जनतालाइ सास्ती दिनेगरी भएको यो व्यवस्थाको उल्लङ्घन गर्नेहरूलाइ प्रहरीले कारबाही गरेको छ । प्रहरीले ठाउँठाउँमा त्यस्ता सवारी बाटामा देखिए लाइसेन्स खोस्ने र जताबाट आएको हो उतै फर्काइदिने गरेको छ । बटुवाहरु खोइ कुन्नी केका नाममा आफूहरुलाई सास्ती दिइएको भन्दै व्यापक मात्रामा गुनासो गर्दै हिँडेका देखिन्थे ।
स्कुल र कलेजका बस चलेका भएपनि सार्वजनिक बसमा चढ्ने विद्यार्थीलाइ अति कस्ट भएको छ ।बिहीबार युथ कंग्रेस नेपालले विज्ञप्ति जारी गर्दै मंसिर १३ गते देखि १६ गतेसम्मका लागि घोषणा गरिएको जोर बिजोरको व्यवस्थाप्रति आपत्ति जनाएको थियो । राज्यको कार्यक्रम नभई अन्तर्रा्ष्ट्रिय गैर सरकारी संस्थाले आयोजना गरेको कार्यक्रमका लागि राज्यले जनतालाई दुःख दिन खोज्नु आफुहरुलाई मान्य नभएको युथ कंग्रेसको भनाई छ ।