१४ मंसिर, काठमाडौं । युथ काँग्रेसले शुक्रबार बिहान काठमाडौँमा जारी रहेको सवारी साधनमा जोर बिजोर प्रणालीको अवज्ञा गर्दै आज बिजोर नम्बर वाला मोटर साइकलको जुलुश निकालेको थियो । यस प्रणालीको हिजे नै नेपाली काँग्रेसका नेता गगन थापाले पनि सरकारको व्यापक आलोचना गरेका थिए । काठाडौँमा शुक्रबार बिहान निकालिएको सो मोटरसाइकल र्यालीमा प्रहरीले हस्तक्षेप गरी केहीलाई पक्राउ पनि गरेको थियो । यो विरोधपछि प्रहरीले यसबारेमा सोच्न बाध्य भएको थियो । साथै यसको चौतर्फी विरोध भएको थियो । सो विरोधपछि सरकारले जोर विजोर प्रणाली हटाएको छ । विहान साढे ११ बजेबाट जोर विजोर प्रणाली हटाइएको ट्राफिक प्रहरी महाशाखाले जनाएको छ ।
विवादास्पद एनजीओले गर्न लागेको एसिया प्यासिफिक समिट (२०१८ का लागि भन्दै ट्राफिक प्रहरीले १३ देखि १६ गतेसम्म जोर विजोर प्रणाली लागू गरिएको थियो । तर, पहिलो दिन नै यसको चर्को विरोध भयो । जोरविजोर प्रणाली अवज्ञा गर्न आहृवान समेत भएको थियो । सरकारकै आलोचना भएपछि गृह मन्त्रालयले शुक्रबार विहानबाट जोरविजोर प्रणाली हटाउन निर्देशन दिएको छ ।
तर पनि सम्पूर्ण सरकारी, अर्धसरकारी र निजी कार्यालयहरु सञ्चालनमा रहेका कारण यात्रुले सास्ती बेहोर्नुपरेको थियो । जोर बिजोर प्रणालीको अवज्ञा गर्न भन्दै ४ तारे युथहरु आन्दोलनमा उत्रिएका थिए ।
